احلى شي بالدنيا النوم .... منو ما يحب النوم واذا كان ظلمه وهدوء داخل الغرفة وخصوصا
هدوء خارج الغرفة... انا بصراحه وحده اقدس النوم , وقديما كنت انام 12 ساعه وكان شي اساسي طبعا بالعطله واذا وقت دوام انام في الغالب 9 بالليل واقعد 6 الصبح ....
وبعدين تغير نظامي كليا بعد ماتزوجت حالي حال بنات وايد من تعيل والله يرزقها بعيال تنسى شي اسمه النوم..طبعا مو كل الامهات ينسون طعم النوم !!! لان في امهات مايدرون عن الياهل اول ما تجيبه اذا عمره اقل من سنه يكون عن الخدامه !!!! ليش !! عشان الام تنام عدل طيب انتي امه غصب عنج تسهرين عليه والخدامه ليش تسهر عليه لازم تنام عدل عشان تصحصح الصبح حق شغل البيت
وانتي ماوراج شي اذا فاضيه يعني ممكن تكونين باجازه وضع وامومه وممكن تاخذين اجازه عشان الياهل وداومي تعبانه شنو يعني ... عيل ليش معيل اساسا هذي ضريبه اليهال..اذا ماسهرتي عليهم وتعبوج من يسهر عليهم (الخدامه)!!!! يعني حتى بعض الامهات مايرضون يخلون عيالهم عند الخدامه ويخلونهم ينامون عند امهاتهم يعني جدة الياهل !!!!!!!!!!!!!!!!
طيب ليش مو اهي سهرة عليج وعلى اخوانج وربتكم شتبين اكثر ليش تعبين امج واهي كبيره .. وحتى لو انها مو عوده يعني بشبابها وصحتها ...حتى لو... ماتعب امي وادور راحتها..انا ماتكلم عن المثاليه وانج تكونين ام 100% بس لازم تتعبين شوي وتحسين بمعاناة امج وباجر اذا كبروا عيالج تقولين لهم نمتو عند الخدامه لما كنتو صغار ولا فشله ماقولهم واقولهم نمتو عند امكم العوده...
عيل انتي شسويتي ؟؟؟ لازم تكلمينهم عن نفسج وتقولين لهم شكثر تعبتي قبل وتكونين قدوة حق بناتج وزوجات عيالج....
ارد واقول انا ماتكلم عن المثاليه ممكن بعض الامهات يكونون بالمستشفى نايمين مثلا عند واحد من العيال مريض فيه شي.هني ممكن اقول للخدامه تنام عندهم طبعا اذا ماعندي احد ينام مع العيال الباقي اقول اخلي امي او خواتي او حمواتي ينامون عند عيالي .. وتكون فترة مؤقته مو على طول
ماقول الا الله يهدي بعض الامهات والحمدلله على كل شي والله لا يبلاني واللهم لا شماته .
ليست هناك تعليقات:
إرسال تعليق